forigen pen21

 

 

 

 

 

 

 

 

 

 

විශ්‍රාම වැටුප් දෙපාර්තමේන්තු සුභ සාධක සංගමය මඟින් 2023 සිංහල හා දෙමළ අලුත් අවුරුද්ද වෙනුවෙන් සංවිධානය කරන ලද අලුත් අවුරුදු උළෙල 2023.05.20 වන දින දෙපාර්තමේන්තු පරිශ්‍රයේ දී පැවැත්විණ.

2022 වසර අවසානයේ එක්වර විශ්‍රාම ගැන්වුණු රාජ්‍ය නිලධාරීන් විශාල ප්‍රමාණයකගේ විශ්‍රාම ගැන්වීම් කටයුතු සමඟ අතිශය කාර්යබහුල වූ දෙපාර්තමේන්තු නිලධාරීන් සඳහා මඳ අස්වැසිල්ලක් ලබා දීමේ අරමුණින් සංවිධානය කෙරුණු මෙම උළෙල, සාම්ප්‍රදායික අවුරුදු ක්‍රීඩා දෙපාර්තමේන්තු නිලධාරීන්ගේ දූ දරුවන් වෙනුවෙන් සංවිධානය කළ විශේෂ වැඩසටහන් කිහිපයක් හා යුද හමුදා වාදක කණ්ඩායමේ සහභාගීත්වයෙන් යුතුව පැවති මියුරු සංගීතමය වැඩසටහනකින් ද විචිත්‍රවත් විය.

මෙම අවස්ථාවට විශ්‍රාම වැටුප් අධ්‍යක්ෂ ජනරාල් ඒ.ජගත් ඩී.ඩයස් මහතා ඇතුළු දෙපාර්තමේන්තු නිලධාරීන්, ඔවුන්ගේ පවුල්වල සාමාජිකයන් සහ දූ දරුවන් රැසක් සහභාගී වූ අතර ජයග්‍රාහකයින් වෙනුවෙන් සහ පැමිණි සියලුම දරුවන් සඳහා විශේෂ ත්‍යාග ප්‍රදානයක් ද සිදු කරනු ලැබිණි.

          

 alt=             
                          

 

forigen pen21

 

 

 

 

 

 

 

 

 

 

 

 

විශ්‍රාම වැටුප් දෙපාර්තමේන්තුව විසින් රාජ්‍ය සේවයෙන් විශ්‍රාම ගනු ලබන නිලධාරීන් හඳුනා ගැනීම සඳහා නිකුත් කරනු ලබන විශ්‍රාමික හැඳුනුම්පත නව්‍යතාවයකින් යුතුව නිකුත් කිරීමට පියවර ගෙන ඇත.එය විශ්‍රාම වැටුප සක්‍රීය කරන අවස්ථාවේ දී ම ලබා දීම 2023.04.10 වැනි දින සිට ආරම්භ කෙරිණි.

විශ්‍රාමිකයන්ගේ පළමු විශ්‍රාම වැටුප සක්‍රීය කරනු ලබන සත්කාර පියස සම්මුඛ පරීක්ෂණයේ දී විශ්‍රාම වැටුප් දෙපාර්තමේන්තුවේ දත්ත පද්ධතියේ ඇති මාර්ගගතව (Online) ඇතුළත් කරනු ලැබූ තොරතුරු සමඟ ඔවුන්ගේ අනන්‍යතාවය තහවුරු කර ගැනීමෙන් හා ඇඟිලි සලකුණු ලබා දීමෙන් අනතුරුව නව විශ්‍රාමික හැඳුනුම්පත නිකුත් කරනු ලබයි.

සංකේතාත්මකව නව හැඳුනුම්පත විශ්‍රාමිකයන් වෙත නිකුත් කිරීම වෙනුවෙන් කෙටි උත්සවයක් 2023.04.10 වැනි දින දෙපාර්තමේන්තු ශ්‍රවණාගාරයේ දි පැවැත්විණි.

විශ්‍රාමික ප්‍රජාව නියෝජනය කරමින් මෙම අවස්ථාවට සහභාගී වූ යූ.ඩී.සී ජයලාල් මහතා, කේ.ඒ.එච් හේමපාල මහතා,ජේ.සී වැලිගමගේ මෙනෙවිය, පී. ඕමත්තගේ මහතා, ඩබ්.ඒ.පී.ජේ විජේරත්න මහතා සහ පී.ත්‍යාගරාජා මහත්මිය යන මහත්ම මහත්මීන් වෙත විශ්‍රාම වැටුප් අධ්‍යක්ෂ ජනරාල් ඒ.ජගත්.ඩී ඩයස් මහතා විසින් නව විශ්‍රාමික හැඳුනුම්පත් ප්‍රදානය කරන ලදී.

          

 alt=             
                          

 

forigen pen21

 

 

 

 

 

ඉදිරි විසිපස් වසර තුළ කලාපයේ සෞභාග්‍යමත් ප්‍රජාතාන්ත්‍රවාදී රාජ්‍ය බවට ශ්‍රී ලංකාව පත් කිරීම වෙනුවෙන් රාජ්‍ය සේවකයකු ලෙස කැපවෙන බවට වන රාජ්‍ය සේවා ප්‍රතිඥාවේ දිවුරුම් දෙමින් හා ත්‍රිවිධ රත්නයේ ආශිර්වාද මධ්‍යයේ විශ්‍රාම වැටුප් දෙපාර්තමේන්තුවේ නිලධාරීන් 2023.01.02 වන දින “2023” නව වසරේ රාජකාරී ආරම්භ කරනු ලැබීය.

නව වසර පිළිගැනීම වෙනුවෙන් සංවිධානය කළ කෙටි උත්සවයේ දී චිරාගත සම්ප්‍රදායානුකූලව පොල්තෙල් පහන් දල්වා ආගමික වතාවත් සිදු කළ අතර රණවිරුවන් ඇතුළු දේශය වෙනුවෙන් දිවිපිදූ සියල්ලන් සිහිපත් කරනු ලැබිණි.

මෙහි දී විශ්‍රාම වැටුප් අධ්‍යක්ෂ ජනරාල් ඒ. ජගත් ඩී. ඩයස් මහතා නව වසර වෙනුවෙන් විශ්‍රාම වැටුප් දෙපාර්තමේන්තුවේ සියලු නිලධාරීන් අමතා සුභ පැතුම් එක් කළ අතර ගත වූ 2022 වසරේ දී විවිධ අභියෝග සහ දුෂ්කරතා රැසකට මුහුණ දෙමින් විශ්‍රාම වැටුප් ගෙවීම් ක්‍රියාවලිය අඛණ්ඩවත් නිරවද්‍ය ලෙස හා විනිවිදභාවයෙන් යුතුවත් සිදු කිරීමට දායක වූ විශ්‍රාම වැටුප් දෙපාර්තමේන්තුවේ කොළඹ ප්‍රධාන කාර්යාලයේ හා දිවයින පුරා දිස්ත්‍රික් ලේකම් කාර්යාල හා ප්‍රාදේශීය ලේකම් කාර්යාලවල ප්‍රධානීන් ඇතුළු විශ්‍රාම වැටුප් විෂය භාර නිලධාරීන් කළ කැපවීම් කෘතවේදීව සිහිපත් කරන ලදී.

විශ්‍රාම ගැන්වීමේ උපරිම වයස් සීමාව අවුරුදු 60 බවට පත් කිරීමට රජය ගත් ප්‍රතිපත්තිමය තීරණයත් සමඟ 2022 වසර අවසානයේ විශ්‍රාම ගැනීමට නියමිත 12,000 කට අධික විශ්‍රාමිකයන් ප්‍රමාණය සහ වසරක් තුළ දී සාමාන්‍යයෙන් විශ්‍රාම ගනු ලබන 27,000 කට අධික සිවිල් හා ත්‍රිවිධ හමුදා සාමාජිකයන්ගේ ප්‍රමාණය හේතුවෙන් විශ්‍රාම වැටුප් දෙපාර්තමේන්තුව ඉදිරි මාස කිහිපය තුළ දැඩි ලෙස කාර්යබහුල වීමට නියමිතය. එබැවින් දෙපාර්තමේන්තුව වෙත විශ්‍රාම ගැන්වීම සඳහා ලැබෙන අයදුම් පත්‍ර ප්‍රමාණය ද විශාල ප්‍රමාණයකින් ඉහළ යනු ඇත. එම විශ්‍රාමිකයන්ගේ විශ්‍රාම වැටුප් විශ්‍රාම ගැන්වෙන මාසයට පසු මාසයේම ගෙවීම මෙම වසරේ දෙපාර්තමේන්තුවේ ප්‍රමුඛතම කර්තව්‍ය වන බැවින් ඒ සඳහා කැපවීමෙන් යුතුව කටයුතු කිරීමත් ලැබී ඇති අභියෝගය ජය ගැනීමේ වගකීමත් ඒ සඳහා පන්නරයත් සියලු නිලධාරීන් සතුව පවතින බැවින් භාණ්ඩාගාරය අක්මුදල් නියමිත පරිදි ලබාදුනහොත් එය ඉතා පහසුවන බවත් අධ්‍යක්ෂ ජනරාල්වරයා ප්‍රකාශ කළේය.

මෙම අවස්ථාවට විශ්‍රාම වැටුප් අධ්‍යක්ෂ ජනරාල් ඒ. ජගත් ඩී. ඩයස් මහතා, අතිරේක විශ්‍රාම වැටුප් අධ්‍යක්ෂ ජනරාල් ඩී.එම් පරාක්‍රම ජයවර්ධන මහතා ඇතුළු දෙපාර්තමේන්තුවේ සියලුම නිලධාරීන් සහභාගි විය.

          

 alt=